Закот молга барака беради

Имом Шофеъий айтадилар:
«Закотни олган одам хоҳласа, закот берган одамнинг ҳаққига
آجَرَكَ اللَّهُ فِيْمَا أعْطَيْتَ وَجَعَلَهُ لَكَ طَهُورًا وَبَارَكَ لَكَ فِيْمَا أَبْقَيْتَ
«Ажарокаллоҳу фий маа аътойта, ва жаъалаҳу лака тоҳуурон, ва баарака лака фий маа абқойта»
(Берганингга Аллоҳ ажр ато қилсин, покловчи қилсин, қолганига барака берсин) десин».

Закот, садақа, назр, каффорат ёки шунга ўхшаш нарсаларни берган одамнинг
«Роббанаа! Тақоббал миннаа, иннака антас самиъул ъалийм»
رَبَّنَا تَقَبَّلْ مِنَّا إِنَّكَ أَنْتَ السَّمِيعُ العَلِيمُ
(Роббимиз, биздан қабул қил, Сен эшитгувчи, билгувчи Зотсан) дейиши мустаҳабдир.

Аллоҳ таоло айтади:
«Намозни тўкис адо этинглар, закот беринглар ва Расулга итоат қилинглар. Шоядки, раҳм қилинсангиз»
Нур сураси, 56 - оят.

Яна бошқа бир оятда Аллоҳ таоло айтади:
«Молларидан садақа ол. Бу билан уларни поклайсан, тозалайсан. Уларнинг ҳаққига дуо қил. Албатта, дуоинг улар учун таскиндир. Аллоҳ ўта эшитувчидир, ўта билувчидир»
Тавба сураси, 103-оят.

«Закот» сўзи луғатда «поклик» ва «ўсиш» деган маъноларни англатади.
Закот берган кишининг моли покланади. Қачон закотини берса, покланади, бўлмаса йўқ. Закоти берилган молга барака киради, кўпайиб, ўсади.

Абдуллоҳ ибн Абу Авфо розияллоҳу анҳудан ривоят қилинади:
«Бирор қавм садақа олиб келадиган бўлса, Расулуллоҳ соллаллоҳу алайҳи васаллам «Аллоҳумма, солли алайҳим» (Аллоҳим, уларни ёрлақагин) дер эдилар.
Абу Авфо садақа олиб келганда ҳам: «Аллоҳумма, солли ъалаа аали Аби Авфа» (Аллоҳим, Абу Авфонинг оиласини ёрлақагин), деб айтганлар.
Имом Бухорий ва Муслим ривояти.

©arabicuz

Telegram каналимизга аъзо бўлинг
...............................................................